Perque anarai pas balhar mon ADN (Benjamin Deceuninck)

En setembre de 2001, a l’ocasion dels primièrs ensags OGM, dalherem un camp dins l’encastre d’un collectiu informal (amb la CNT, la confederacion paisana...).

Quatre ans aprèp, formats en un collectui sonat los "onze d’Avelin" erem percaçats per degradacion de ben privat agravat en amassada siá 5 ans de preson e 75000 euros de multa sus lo papièr. La societat Advanta, proprietàri de l’ensag, voliá 250 000 euros de damatge et interès. En octobre de 2005, las condemnacions tomban : entre un e dos meses de respièch e 5000 euros de multa collectiva. Las sanccions son plan en dejós de çò qu’esperava lo procuraire.

Advanta fa pas apèl de paur de se faire de marrida publicitat.

Enfin aprep doas annadas d’instruccion pensàvem èsser quiet...

Levat que M Sarkozy amb la lei Perben se lança dins un grand deliri de fichatge de totes los que considera coma " déviants" , es a dire contra la seuna politica.

Un molon de joves arrestats del temps de la protesta contra lo CPE se sometèron a aqueste prelèvament ADN. La paur de l’unifòrme e a cada còp lo meteis discors : "siás obligat ça que non serà 15000 euros de multa e un an de preson !". Fòrça se daissèron enganar.

Mos companhs de procès se daissèron fichar geneticament, per ieu serà pas çò meteis ! !

Acceptar uèi lo fichatge genetic de totes los militants politics e sindicals (emai de deliquéncia pichona) nos fariá tornar a las oras escuras de l’istòria. Aqueste govèrn que se nega, que solet arriba a embrasar un país que cresiam atudat trobèt pas mièlhs per se reviscolar que de sortir las tèsis eugenistas d’a passat temps : lo fichatge dels mainatges de 3 ans e lo fichatge ADN son prepausadas coma las mesuras « faras » per tornar a una societat pacificada e urosa.

Se sometre al fichatge ADN nos fariá tornar uèi a barrar los uèlhs sus un passat qu’estudiava la forma del cran, del cervèl... per i trobar uèi los gèns de la deviança.

Nosautres, sindicalistas, politics, autonoms refusam de nos plegar a aquesta règla.

Aquesta mesura falsa de prevencion es pas qu’un mejan de far créisser la pression contra totes los que refusan las politicas autoritàrias que renfortisson cada jorn la misèria e la concurréncia entre las gents. Aqueste fichatge constituis une dobla pena bord que son refús mena a una nòva condemnacion e coma un respièch + un respièch = preson, N.. Sarkozy pòt dormir tranquil.

Refusi d’èsser mes al repertòri genetic per aver desrabat qualques bledaravas que foguèron plantadas contra lo vejaire de la populacion.

Refusi, refusam perque sem qualques unes dins aqueste cas e serem lèu de mai en mai nombroses de nos sometre a de pressions politicas dignas del faicisme, a acceptar que la nòstra societat siá fondada sus la paur, la repression e l’eliminacion dels contestatàris.

Una societat qu’embarra sos sindicalistas es une societat a mand de crebar, lo faicisme passarà pas per nosautres, REFUSEM TOTAS E TOTES LO FLICATGE GENETIC ! !

Peticion pdf en pèça junta, e sosten financièr (a l’òrdre de CNT-Alès, en precisant sosten Benjamin) de tornar a : CNT-Alès, Borsa del Trabalh, plaça Dupuy, 30100 Alès

http://www.cnt-f.org/