Justin : Pourquoi pas Paul Vergès à l’Élysée ?

Sosialis dési inn voi Royal

OTÉ !

BANN militan sosialis la désid rouv la voi po Ségolène Royal. Alala lo kandidat va roprézant bann sosialis po zélèksion prézidansièl. I shap pa banna la mèt anlèr inn fanm, san grangran diskour, mé inn fanm kanmèm. Mi koné pa koman tout la bann profésèr i sar réazi, oubiensa koman la droitt i sar répliké. Pass kal, koudkongn par dérièr, vidéo pirat, foto volé ?

Eské son rin lé asé solid po siport tout bann kou-ba ? Eské son diskour i sar viré ? Porézon, kèkfoi, èl la koz konm inn fanm la droitt. Fout bann kaniar dann lékol militèr, fé travay bann profésèr trann-sink èr...

Oté la bann, vèy pangar. Ziska moin la pansé, na rienk in boug po sanz la done. Akoz pa, nout kamarad Pol Vèrzès i fé rant in kou Lalianss dann Lélizé ? I fé sink an mi poz amoin kestion-là ?

Justin

http://www.temoignages.re/article.p...